4 ліпеня ў 2.45 у РАНС паступіла паведамленне пра ўзгаранне МАЗа ў двары прыватнага домаўладання на вуліцы Бярозавай у Ляхавічах.
Калі падраздзяленні РАНС прыбылі на месца здарэння, кабіна грузавога аўтамабіля 2004 года выпуску была ахоплена агнём, гарэла і акно лазні, каля якой стаяла машына. Існавала пагроза распаўсюджвання полымя на суседнія збудаванні.
Пажар пашкодзіў аўтамабіль і лазню. Пацярпелых няма, прычына здарэння ўстанаўліваецца.
З пачатку года на тэрыторыі раёна зарэгістравана 22 пажары. Выкананне правілаў пажарнай бяспекі – дзейсны спосаб папярэдзіць вогненнае здарэнне. Варта ўстанавіць у жыллі аўтаномны пажарны апавяшчальнік, сачыць за станам электраправодкі і не курыць у ложку.